АҞӘА, цәыббра 5 – Sputnik. Аԥсны ахада Аслан Бжьаниа иусԥҟа инақәыршәаны аԥыза-министр ихаҭыԥуаҩ Сергеи Пустовалов имаҵураҟынтәи ихы дақәиҭтәуп, абри атәы аанацҳауеит атәыла ахада ипресс-маҵзура.
Сергеи Пустовалов диит хәажәкыра 7 1965 шықәсазы, Воронеж. Казантәи арратә ҵараиурҭеи Урыстәыла Арбџьармчқәа агуманитартә академиеи дроушьҭымҭоуп.
2002-2004 шықәсқәа рзы- Поволжтәи АШәМ академиа аҳәынҭқарратәии амуниципиалтәии напхгараҭаразы акафедра анапхгаҩы. 2002-2004 шықәсқәа рзы напхгара аиҭон ахәаахәҭра-ааглыхратә гәыԥ "Дикомп" амаҵзура.
2004-2008 шықәсқәа рзы - асоциал-зинтә зҵаарақәа рзы Аԥсны атәылахьчара аминистр ицхырааҩс дыҟан.
2020 шықәсазы Аԥсны аԥыза-министр ихаҭыԥуаҩс дҟаҵан.