АҞӘА, цәыббра 5 – Sputnik. УАМ иаларгалаз, зыԥсадгьыл ԥсахны Украинаҟа ацара зыгәҭакыз Краснодар атәылаҿацә аҟны инхоз ауаҩы даанкылан, абри атәы аанацҳауеит Урыстәыла Афедералтә шәарҭадаратә маҵзура.
Урыстәыла Афедералтә шәарҭадаратә маҵзура аусзуҩцәа украинатәи архәҭақәа ралалара зыгәҭакыз, зыԥсадгьыл зыԥсахыз Краснодартәи атәылаҿацә инхоз ауаҩы дааныркылеит",- азгәаҭоуп адырраҭараҿы.
Иазгәаҭоуп, урыстәылауаҩ ихала Украинатәи ашәарҭадаратә маҵзуреи иареи аимадара рыбжьеиҵеит. Ари аус адыԥхьалаҩ "Урыстәыла Арбџьармчқәа ирҿагыланы еибашьуаз ахатәгәаԥхацәа" азыҟаиҵон.