АҞӘА, цәыббра 8 – Sputnik. Урыстәылатәи аҳәаахьчаҩцәа Аԥсны-урыстәылатәи аҳәааҿы 2 000 ҭоԥ инарзынаԥшуа асигарет рымырхит ҳәа аанацҳауеит аусбарҭа апресс-маҵзура.
Аконтрабандатә аалыҵ рбеит Аԥснынтәи Урыстәылаҟа ииасуаз амашьынаҟны. Аҭыҭын амашьына аидараҭыԥ аҿы иҭаҵәахын.
Аҭыҭын аалыҵ аушьҭырҭатә ҳазалхратә ҭыԥ "Адлер" аусзуҩцәа ирыҭан, апроцессуалтә ӡбара адкыларазы.