АҞӘА, цәыббра 8 - Sputnik. Аԥсуа боксиор Харитон Агрба апрофессионалтә ринг аҟны ажәаҩатәи аиааира игеит ҳәа аанацҳауеит Аԥсны аҿари аспорти русқәа рзы Аҳәынҭеилакы.
Агрба дзиндаҭлоз, 31 шықәса зхыҵуа панаматәи аспортсмен Александр Диуран дииааит атехникатә нокаутла ажәабатәи араунд аҟны.
Харитон Агрба – Аԥснытәи апрофессионалтә спортсмен, аицлабрақәа рыҟны Урыстәыла абираҟ даҵагыланы дықәгылоит.
Иара жәларбжьаратәи акласс ала аспорт дазҟазоуп, WBA Fedecaribe, WBA Continental, IBF European ртитулқәа ианашьоуп, апрофессионалтә ринг аҿы 2019 шықәса аахыс дықәгылоит.