Цәыббра 11-17 рызтәи Аԥсны акультуратә афиша.
Сариа Кәарцхьиаԥҳа, Sputnik
Иааиуа амчыбжь азы Ацәыргақәҵатә зал хадаҿы иацҵахоит Баҭал Џьапуа ицәыргақәҵа "Аӷба-шкәакәа". Иара аартуп цәыббра 21 аҟынӡа.
Пицундатәи аныхабааҿы имҩаԥгахоит афестиваль "Ауарӷантә хәылԥазқәа Пицунда", уи аартхоит цәыббра 11 асааҭ 20:00 рзы. Аконцертқәа мҩаԥыслоит цәыббра 12 -16 асааҭ 17:00; 20:00 рзы. Цәыббра 17 асааҭ 17:00 рзы – ауарӷантә концерт.
Аурыс драматә театр аҿы акультуратә мчыбжьы иалагоит аспектакль "Ашәахәа зхьыршоу" ала, иалагоит цәыббра 12 асааҭ 18:00; 20:00.
Цәыббра 13 асааҭ 19:00 рзы РУСДРАМ иднарбоит "Ишьаарҵәыроу ачара".
Цәыббра 14 асааҭ 19:00 рзы - акомедиа "Оскар".
Цәыббра 15 асааҭ 19:00 рзы - "Шәышықәса азаҵәра".
Цәыббра 16 асааҭ 19:00 рзы - "Акокаини сареи ҳроман".
Цәыббра 17 асааҭ 19:00 рзы - "Ахаҵа ԥшӡа".
Аԥснытәи аҿар ртеатр аҿы цәыббра 12; 14 асааҭ 19:00 рзы аспектакль "Ишьаарҵәыроу ачара" аԥхьарбара ҟалоит.