АҞӘА, цәгьоура 12 – Sputnik. Лугансктәи Жәлар Рреспублика Иреиҳаӡоу аӡбарҭа ҩыџьа украинатәи аруаа Алексеи Борисенкои Сахил Алахвердиевеи ирықәыӡбоуп аҭынч уааԥсыра рганахь ала рыцәгьоуразы. Абри атәы аанацҳауеит Урыстәыла ашьаусҭҵааратә еилакы.
Ашьаусҭҵаара ишьақәнаргылеит лаҵара 5, 2022 шықәсазы Алексеи Борисенко ЛЖәР аиланхарҭа Тошковка аҟны апозициаҿ дгылан. Иара икомандаҟаҵаҩ адҵа ииҭеит аҭынч уааԥсыра рыршәаразы дрылахысырц, нас уи Урыстәыла иахарартәырц. Борисенко хынтә афугастә хгәыцәқәа рыла ауаа рынхарҭақәа дыриеихсит.
Аӡбарҭа аӡбрала иара 17 шықәса арежим ӷәӷәатә колониаҿ ихигараны дыҟоуп. УАМ амеханизациа зызуу абригада ахысҩы Сахил Алахвердиев аграждантә уааԥсыра мҽыӷрыла дрызныҟәон ҳәа ишьоуп аидеологиатә цәымӷра аҳасаб ала.
Аус аматериалқәа рыла, лаҵара 17 рзы иара ирҟәша гылан ЛЖәР Северодонецк ақалақь абнацәаҳәаҿы. Алахвердиев иҭахын аҭынч уааԥсыра рыршәара. Иара хынтә ахатәыҩны деихсит автоматикатә гранатаршәгала.
Аӡбарҭа аӡбрала иара арежим ӷәӷәа змоу аколониаҿ 16 шықәса ихигараны дыҟоуп.