АҞӘА, цәыббра 14 - Sputnik, Асмаҭ Ҵәыџьԥҳа. Аԥсны аҵара аминистрра 600 инареиҳаны ашколмаҭәа рзыршеит зылшарақәа маҷуи ахәыҷы рацәа ахьыҟоу аҭаацәарақәеи ҳәа Sputnik иазеиҭанаҳәеит аусбарҭа апресс-маҵзура.
Иазгәаҭоуп, цәыббра 14 рзы аӡӷабцәеи аҷкәынцәеи рзы ашколмаҭәа шрыҭаз араионқәа рҵара аҟәшақәа. Анаҩс дара асиа иану ирырҭоит.
Аҵара аминистрра апресс-маҵзура аҟны ишазгәарҭаз ала, аусбарҭа иалшоз зегь ҟанаҵеит уажәраанӡа ашколмаҭәа змамыз ахәыҷқәа сынтәа ироуртә еиԥш.