Лара лажәақәа рыла, аусмҩаԥгатәқәа ирылагоит цәыббрамза 16 рзы, аибашьраан иргәаҟны, зыԥсы шҭаз ирблыз Казанба Цацу лгәалашәарала. Ус ақалақь аҿы аибашьра ашықәс азы аԥсышьацәгьа зырҭаз рацәаҩуп. Лара дахьырблыз аҭыԥ аҿы ашәҭқәа шьҭаҵахоит, нас аусмҩаԥгатәқәа ирыцҵахоит абиблиотека хадаҿы, уаҟа агәалашәаратә хәылԥазы мҩаԥгахоит.
"Цәыббрамза 22 рзы имҩаԥгахоит шьаҿеиқәшәала аныҟәаразы аицлабра. Иара иалагоит асааҭ 10:00 рзы ақалақь агәҭаҿы. Рхы аладархәоит ашколқәа рҵаҩцәа. Цәыббрамза 25-26 рзы – Мықәашҭаҿы еиҿкаахоит аныҳәа. Агәаҳәара змоу зегьы рхы аладырхәыр рылшоит", - ҳәа еиҭалҳәеит Булискериаԥҳа.
Амра Булеикериаԥҳа иара убасгьы дазааҭгылеит цәыббра 28 рзы "Аԥсҭазара амҩа" ҳәа хьӡыс измоу аумҩаԥгатә шеиҿкаахо. Очамчырантә Тҟәарчалынӡа амҩа ауааԥсыра шьапыла ианысуеит, иҭахаз рбаҟақәа рҿаԥхьа ашәҭқәа шьҭаҵо, анаҩс Тҟәарчал имҩаԥгахоит аныҳәатә концерт. Аусмҩаԥгатәқәа зегьы ԥхьаҟа инахоуп, избанзар, аныҳәа хада Аҟәа имҩаԥгахо арионқәа рҟынтә иаҭаан ирбартә еиԥш алшара рымазарцаз лҳәеит Очамчыра араион акультура аҟәша аиҳабы.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.