Агәымшәаразы амедали, Леон иордени занашьоу Емма Инаԥшьԥҳа арадио Sputnik апроект "Дцон аԥҳәызба еибашьра" аҳәаақәа ирҭагӡаны илгәалалыршәеит аибашьра ианалага раԥхьатәи аидысларақәеи, иҭахоз лҩызцәа руасиаҭ ажәа шыналыгӡози ртәы.
Шәахәаԥш астудиаҟынтәи авидеонҵамҭа.
"Дцон аԥҳәызба еибашьра" абас ахьӡуп Аԥсны Аџьынџьтәылатә еибашьраҟны игаз Аиааира 30 шықәса ахыҵра аҳаҭыраз арадио Sputnik ихацныркыз апроект. Араҟа аибашьра мҩа ианысыз аҭыԥҳацәа рҭоурыхқәа еиҭарҳәалоит.