АҞӘА, цәыббра 16 - Sputnik. Цәыббра 30 аҽны атранспорт азы Аҟәа агәҭа мҩақәак аркызаауеит, абри атәы "Аԥсны.Иахьа" иазеиҭеиҳәеит АҩАР иабжьгаҩ Баҭал Агрба.
Агрба амашынарныҟәцаҩцәа рахь ааԥхьара ҟаиҵеит, ауадаҩрақәа раԥырҟәҟәааразы аныҳәамш аҽны рхатә машьынала ақалақь иаламларц.
Агрба иажәақәа рыла, цәыббра 30 аҽны асааҭ 06:00 рзы иаркхоит Гәлиа, Арӡынба, Басариа рымҩақәа, иара убас Ӡиӡариеи Леони амҩақәа рыхәҭак.
Ихьанҭоу арратә техниказы Лакоба имҩаҟны ҩганктәи амҩа аартхоит, иҳәеит иара.
Иҵегь иҟало аԥкрақәа рзы Аԥсны АҩАР адырра ҟанаҵоит.