Цәыббра 18-24 рызтәи Аԥсны акультуратә афиша.
Сариа Кәарцхьиаԥҳа, Sputnik
Ҳазҭало амчыбжь азы Ацәыргақәҵатә зал хадаҿы иацҵахоит Баҭал Џьапуа ицәыргақәҵа "Аӷба шкәакәа". Иара аартуп цәыббра 21 аҟынӡа.
Пицундатәи аныхабааҿы имҩаԥгахоит аклассикатә музыка аконцертқәа.
Цәыббра 18 асааҭ 17:00 рзы - урыстәылазегьтәии жәларбжьаратәии аицлабрақәа рлауреатцәа рышкол аҵаҩцәа рконцерт мҩаԥгахоит.
Цәыббра 20 асааҭ 17:00 рзы - ауарӷантәи ахортәи музыка аконцерт.
Цәыббра 22 асааҭ 17:00 рзы - аклассикатә музыка аконцерт.
Цәыббра 24 асааҭ 17:00 рзы - ауарӷантә концерт
Аурыс драматә театр аҿы цәыббра 18 асааҭ 19.00 рзы ахәаԥшцәа идырбахоит Карло Гольдони ипиеса иалху аспектакль “Кьоџьаа рҭыӡшәа”.
Аԥсуа ҿартә театр цәыббра 20 асааҭ 19:00 рзы иднарбоит аспектакль “Аибашьра ахԥатәи амш”.
Аԥсуа ҳәынҭқарратә филармониаҿ цәыббра 23 асааҭ 19:00 рзы - аконцерт “Испаниатәи асааҭ”.