АҞӘА, цәыббра 19 - Sputnik. Аԥсны азинхьчаратә усбарҭақәа русзуҩцәа дааныркылеит Узбекисҭан атәылауаҩ Муҳаммад Иусупов 120 грамм аметадон ахьидбалаз азы ҳәа аанацҳауеит Адәныҟатәи аусқәа рминистрра апресс-маҵзура.
117 грамм рҟынӡа ззин ыҟам амаҭәашьар идбалан Узбекисҭан атәылауаҩ Муҳаммад Иусупов данааныркылоз. Иара аԥсшәагь аурысшәагь издырӡом, аха онлаин-еиҭагаҩ ацхыраагӡарала иҳәеит анаркотикқәа аҵәахырҭатә ҭыԥқәа рхархәарала ишалаирҵәоз.
Аамҭала иҭаацәеи иареи ахьынхоз аҭыԥ аҿы Иусупов аметадон капанны, аилаҳәарақәа ҟаҵаны еихшаны аҭыԥ маӡақәа рҿы иҵәахуан.
Аҟәатәи амшынԥшаҳәаҿы х-ҭыԥ маӡак аарԥшын. Иусупов ихарарҵоит закәаншьаҭада аҭиразы анаркотикатә маҭәашьар хыԥхьаӡара рацәала аахәара, амазаара, амҩангара.
Аусҭҵаара мҩаԥысуеит.