АҞӘА, цәыббра 19 - Sputnik. Азербаиџьан атәылауаҩ Џьеихун Гусеинов 15 шықәса бахҭала ахгареи 700 000 мааҭ ахараԥса ашәареи иқәҵоуп ҳәа аанацҳауеит Апрокуратура хада асаит.
Гусеинов ахара идҵан закәаншьаҭада 13,915 грамм аметадон закәаншьаҭада аҭиразы иааихәеит, имҩанигон, иалаирҵәон ҳәа.
Азербаиџьан атәылауаҩ Џьеихун Гусеинов Аԥсны азинхьчаратә усбарҭақәа дааныркылеит жәабранмзазы.
Аусҭҵаара адыррала, Гусеинови "Саша" ҳәа изышьҭоу идырым ауаҩи еицәажәаны анаркотикқәа ааихәеит Аԥсны аларҵәаразы .
Амаӡаҵәахырҭақәа ҩба аарԥшын, уа 14 грамм аметадон шьҭан. Иарбоу ауаҩы ахара ихарам ҳәа иԥхьаӡоуп азыӡба амчра аиуаанӡа.