АҞӘА, цәыббра 19 - Sputnik. Урыстәыла аҳаиртә хыхьчара ахархәагақәа уахыкала ишьақәнарҟьеит аицҭырҟьаратә система HIMARS, "Ураган" ахеиҵаҵақәа 16, абри атәы аанацҳауеит Урыстәыла атәылахьчара аминистрра.
Урыстәыла аоператив-тактикатә авиациеи, аракетатә ари, артиллериеи 137 раион рҿы иҭадырхеит аруааи атехникеи. Иқәыцҟьаауп украинатәи 57-тәи амотошьаҟартәи 35-тәи амшын шьаҟатә бригадақәа рџьаԥҳанышьҭаҵарҭақәа, х-бригадак рнапхгараҭаратә ҭыԥқәа.
Купиансктәи ахырхарҭаҿы уахыки-ҽнаки рыла иҭархан 20-ҩык аррамаҵзурауаа, ҩ-автомашьынак, агаубицқәа Д-20, Д-30. Херсонтәи ахырхарҭаҿ - 25-ҩык асолдаҭцәа, ҩ-машьынак, артиллериатә шьақәгылақәа М777 ҩба.
Донецктәи ахырхарҭала Киев уахыи-ҽнаки рыла 225-ҩык рҟынӡа аруаа рыла ацәыӡқәа аиуит. Иара убас иҭархоуп аибашьыгатә машьынақәа ҩба, автомашьынақәа хԥа, ахаланыҟәаратә артиллериатә шьақәгыла "Krab", артиллериатә шьақәгылақәа М777 ҩба, ахаланыҟәаратә гаубица "Гвоздика".
Запорожиетәи ахырхарҭаҿы иҭархоуп 175-ҩык асолдаҭцәа, атанкқәа ҩба, аибашьыгатә акәылӡмашьынақәа ҩба, автомашьынақәа ҩба, ахаланыҟәаратә артиллериатә шьақәгыла "Krab" - ҩба, артиллериатә системақәа М777, агаубицақәа Д-30, Д-20.
Краснолимантәи ахырхарҭаҿы иаԥырҟәҟәаан УАМ амеханизациа зызу 63-тәи, 67-тәи абриагадақәа ржәылара, иҭархан 65-ҩык рҟынӡа аруаа, аибашьыгатә акәылӡмашьынақәа ҩба, апикапқәа ҩба, агаубица Д-20.
Алада-Донецктәи ахырхарҭаҿ иҭархан 155-ҩык асолдаҭцәа, х-кәылӡмашьынак, автомашьынақәа хәба, иара убас агаубица "Мста-Б".