АҞӘА, цәыббра 20 - Sputnik. Аԥсны Жәлар Реизара аҳәынҭқарра-азинтә политиказ аилак "Аԥсны Аиааиреи Ахьыԥшымреи 30 шықәса рхыҵраз азаҭ рылаҳәара" ақәҵара апроект иахәаԥшит. Абри атәы аанацҳауеит Апарламент апресс-маҵзура.
Адепутатцәеи инаԥхьаз алахәылацәеи – Аԥсны иреиҳаӡоу аӡбарҭа ахантәаҩы Саида Быҭәԥҳаи, апрокурор хада Адгәыр Агрбеи, АҩАР рминистр ихаҭыԥуаҩ Ҭенгиз Нарманиеи ақәҵара апроект иалацәажәеит.
Аилацәажәара ашьҭахь иӡбан апроект иҵегьы иҭҵаазарц, хара имгакәагьы апарламенттә еилакы ахь ажәалагалақәа нашьҭызарц.