АҞӘА, цәыббра 21 - Sputnik. Ҭаҭарсҭан аделегациа Аԥсны рыҟазаараан "Аԥснымедиеи" "Татмедиеи" аусеицураз аиқәшаҳаҭра рнапы аҵарҩит, абри атәы аанацҳауеит "Аԥсныпресс".
Адокумент иазгәанаҭоит аганқәа аинформациа аимдараҟны русеицура.
Адокумент рнапы аҵарҩит АУН "Аԥснымедиа" адиректор хада Роберт Џьопуа, АЕ "Татмедиа" адиректор хада Шамиль Садыков.
"Аинформациатә дунеи еиҳа-еиҳа иҿиоит. Убри азы иаҳҭахуп ҳамчқәа еидаҳҵарц. Ҳазыхиоуп арҵаратә программақәа реимдара, аинформациатә технологиақәа русхк аҟны аусеицура", – иҳәеит АЕ "Татмедиа" адиректор хада Шамиль Садыков.
Аиқәшаҳаҭра анапаҵаҩра ашьҭахь аганқәа аҳамҭақәа еимырдеит.