АҞӘА, цәыббра 24 - Sputnik. Аԥсны ахада Аслан Бжьаниа инапы аҵеиҩит аррамцҵрахьы атәылауаа рнаԥхьаразы, уи иахысуа ԥхьатәара рышьҭрази. Абри атәы аанацҳауеит ахада иусбарҭа апресс-маҵзура.
2023 шықәса жьҭаара 1 инаркны ԥхынҷкәын 31 рҟынӡа 18-27 шықәса зхыҵуа ԥхьатәара иҟоу, ма аррамаҵура ахысра зықәнагоу Аԥсны атәылауаа аррахь рнаԥхьара мҩаԥысуеит.
Арраҟынтәи иоурыжьуеит зуалԥшьақәа рынагӡара аҿҳәара нҵәаз.
Аԥсны Аминистрцәа реилазаара, араионқәеи Аҟәа ақалақьи рхадарақәа рнапы ианҵоуп аррамаҵурахьы аруаа рнаԥхьареи аррамаҵураҟынтәи ԥхьатәара рышьҭреи иазку аусмҩаԥгатәқәа рынагӡара еиҿыркаарц.