АҞӘА, цәыббра 24 - Sputnik, Асмат Ҵәыџьԥҳа. Аԥсуа қәԥаҩы Дауҭ Гәыблиа ММА азы Урыстәыла Ахраҿа дачемпионхеит. Абри атәы Sputnik иазеиҭеиҳәеит Аԥсны апрофессионалтә бокс Афедерациа ахада Алик Карди-оӷлы.
Гәыблиа дықәгылон зыкапан 77,1 кьыла инаӡоз аспортсменцәа рыбжьара.
Актәи иқәгылараҟны улиановсктәи аобласт аҟынтәи аспортсмени иареи еиқәԥон, Гәыблиа дииааит. Ахәмарра афиналбжа аҟны аԥсуа қәԥаҩы дииааит омсктәи аобласт аҟынтәи аспортсмен, афинал аҟны аҩбатәи араунд аан примориатәи атәылаҿацә аҟынтәи аспортсмен дииааит.
Гәыблиа ахьтәы медал анаҩсан иреиӷьу атехниказы ахраҿа ианашьан.
Дауҭ Гәыблиа- шәачатәи ақәԥаҩцәа рыклуб "Левша" дааӡымҭоуп, иазыҟаҵаҩ- Ашот Пашиан.