АҞӘА, цәыббра 25 – Sputnik, Асмаҭ Ҵәыџьԥҳа. Аспектакль "Евгени Онегин" аԥхьарбара мҩаԥгахоит Фазиль Искандер ихьӡ зху РУСДРАМ аҿы цәыббра 26 рзы.
Арежиссиор Сергеи Ефремов авторс дрымоуп ақәыргыламҭақәа: "Аклиникатә хҭыс", "Оскар", "Примадонны". "Евгени Онегин" иара уаанӡа иқәиргылахьан Москватәи акомедиа атеатр аҿы, Еиду америкатәи аштатқәа рахьгьы агастрольқәа иманы дцахьан.
Ефремов иажәақәа рыла и-"Онегин" дарбан хәаԥшҩызаалак деиликаартә дыҟоуп.
"Сара иқәсыргыло аспектакльқәа еиҵыхым, дарбанызаалак еилкаартә иеиҿыскаауеит, сыҽрыласхалом аметафорақәа. Шьукатәи аҵараиурҭаҿы аҵара анаҳҵоз иҳарҳәон: "Аспектакль Воронежтәи тиотиа Машагьы еилылкаартә иҟазар ауп ҳәа", - иҳәеит иара.
Онегин ироль неигӡоит Емиль Петров, Татиана Ларина – Лоида Ҭырқьԥҳа. Актриса илҳәеит лара лзы ари ароль хада дыззыԥшымыз ак шакәу, избанзар лара еиҳа адинамикатә ҟазшьа змоу аперсонажқәа ракәын иналыгӡоз.
"Сара зынӡа Татиана сакәӡам. Сацәшәон ари ароль аҵагылара. Пушкин изкны избоз алитература саԥхьеит. Еиҳагьы сшәара иацлеит. Иаабац бзиабарак иаҭоурыхуп, аха аҵакы дуӡӡоуп. Ари сҵараҵара аахыс игәхьаазгоз классикатә театруп", - ҳәа лҳәеит лара.
РУСДРАМ адиректор хада Иракли Хынҭәба иазгәеиҭеит Александр Пушкин иахьатәи ахәаԥшҩы изҵаарақәа рҭак шимоу.
"Сергеи Ефремов, сара сгәаанагарала ихадараны иҟаиҵаз Пушкин итекст аласра аанижьит. "Евгени Онегин" – игәырҿыӷьгоу классикаӡам, иахьагьы ицәанаалоу абзиабара аҭоурых ауп", – иҳәеит иара.
Аспектакль ықәыргылоуп "Русские сезоны" агрант ала, Урыстәыла акультура аминистрра адгыларала. Аԥхьарбара ҟалоит цәыббра 26 - 27 рзы.