АҞӘА, цәыббра 27 - Sputnik. Урыстәылатәи аҭынчреиҿкааҩцәа Степанакерт абылтәыеизакырҭаҿы иҟалаз атҟәацраан ааха зауз 58-ҩык ахыргеит, абри атәы аанацҳауеит Атәылахьчара аминистрра.
Зцәа-зжьы блыз ауаа Урыстәыла асанитартә авиациа ала актәи ацхыраара хьрырҭаз агоспитальқәеи амедицинатә центри рҟынтәи апрофильтә медусҳәарҭақәа рахь иргоит.
"Уажәазы агоспитальқәеи рҟынтәи иахыгоуп быжьҩык, амедицинатә центр аҟнытәи 35-ҩык, амедицинатә отриад- 16-ҩык атәылауаа ииагоуп апрофильтә медусҳәарҭақәа рахь" – иҳәеит амедгәыԥ аиҳабы Павел Суслов.
Урыстәылатәи аҭынчреиҿкааҩцәа Ашьха Ҟарабах рнапынҵақәа нарыгӡоит. Уажәазы дара хылаԥшра рырҭоит зыҩнқәа ирзырхымло 522 ҭынч уааԥсыра. Урҭ рҟынтәи 293 –ҩык хәыҷқәоуп.
Аҩаша, цәыббра 19 рзы Азербаиџьан Ашьха Ҟарабах ареспублика иахьаҵанакуа "ҭыԥ-ҭыԥла атеррористҿагыларатә операциа" иалагеит, урҭ хықәкыс ирымоуп аконституциатә мчра аиҭашьақәыргылара.
Цәыббра 20 азы Ашьха Ҟарабах ахымца аанкыларазы еиқәшаҳаҭхеит. Аиқәшаҳаҭра алыршахеит урыстәылатәи абжьаҟазаҩцәа рнапхгаҩцәа рыбжьаҟазара иабзоураны. Уи амч аиуеит цәыббра 20 асааҭ 13:00 инаркны.
Цәыббра 25 рзы Степанакерт –Аскеран амҩаду иацәыхарамкәа абылтәыеизакырҭа ԥжәеит. Ааха роуит 200-ҩык рҟынӡа. Урҭ ацхыраара рырҭоит урыстәылатәи амедусзуҩцәа.