АҞӘА, цәыббра 28 - Sputnik. Аахыҵ Уаԥстәыла ахада Алан Гаглоев Аиааира Амш 30 шықәса ахыҵраз аныҳәатә уснагӡатәқәа ихы рылаирхәуеит ҳәа аанацҳауеит Sputnik Южная Осетия.
Аахыҵ Уаԥстәыла ахада зхадараҿы дыҟоу аделегациа иалоуп Адәныҟатәи аусқәа рминистр Ахсар Џьиоев, Атәылахьчара аминистр Марат Павлов, Апарламент адепутатцәа.
Уажәаԥхьа адырра ҟарҵахьан цәыббра 30 рзы Ахақәиҭра ашҭаҿы имҩаԥгахо аныҳәатә парад иалахәхарц амҩа ишықәлаз Аахыҵ Уаԥстәыла Атәылахьчара аминистрра абираҟмҩаԥгаҩцәа ргәыԥ.