АҞӘА, цәыббра 29 - Sputnik. Аахыҵ Уаԥстәыла ахада Алан Гаглоев аныҳәатә уснагӡатәқәа ихы рылаирхәырц Аԥсныҟа дааит.
Аахыҵ Уаԥстәыла аделегациа аԥсны-урыстәылатәи аҳәааҟны ирԥылеит ахада Иусбарҭа анапхгаҩы Абесалом Кәарҷиа, аиустициа аминистр Анри Барцыц, Гагра араион ахада Иури Хагәышь.
Алан Гаглоев Ԥсахара ақыҭаҿ Аахыҵ Уаԥстәылантәи Аԥсныҟа еибашьра иааны иҭахаз Џьемал Сиукаев, Роберт Петров-Кокоев, Ацамаз Маргиев рбаҟа амҵан ашәҭшьыҵәрақәа шьҭеиҵеит.