https://sputnik-abkhazia.info/20230928/aiaaira-aparad-aazyaara-khada-maysit-aa-1048289580.html

Аиааира апарад аҽазыҟаҵара хада мҩаԥысит Аҟәа

Аиааира апарад аҽазыҟаҵара хада мҩаԥысит Аҟәа

Sputnik Аҧсны

Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсны жәлар Рџьынџьтәылатә еибашьраҿы игаз Аиааира амш. 28.09.2023, Sputnik Аҧсны

2023-09-28T11:29+0300

2023-09-28T11:29+0300

2023-09-28T11:29+0300

аԥсны

аԥсны

ажәабжьқәа

https://cdnn1.img.sputnik-abkhazia.info/img/07e7/09/1c/1048288142_0:85:1620:996_1920x0_80_0_0_178cc78c792b318612212960f1a1d30e.jpg

АҞӘА, цәыббра 28 - Sputnik, Бадраҟ Аҩӡба. 1992-1993 шықәсқәа рызтәи Аԥсны жәлар Рџьынџьтәылатә еибашьраҿы игаз Аиааира амш иазку аныҳәатә парад аҽазыҟаҵара хада мҩаԥысит Аҟәа, Ахақәиҭра ашҭаҿы. Аиубилеитә парад иаҷыдароуп арратә техникеи аҳаирмчқәеи ралахәхара. Аҽазыҟаҵара хада аан апарад акомандаҟаҵаҩ, Атәылахьчара аминистр ихаҭыԥуаҩ Беслан Ҵәыџьба аҵыхәтәантәи адҵақәа риҭон ауснагӡатә алахәылацәа, амҩаԥгаҩцәа ражәахәқәа ирыԥхьон. Ахақәиҭра ашҭахь инаган Аԥсны абираҟи Аиааира абираҟи. Атәылахьчара аминистр Владимир Ануеи апарад акомандаҟаҵаҩ, Атәылахьчара аминистр ихаҭыԥуаҩ Беслан Ҵәыџьбеи зықәтәаз автомашьынақәа ашҭа иқәсны еиԥылеит. Ашҭа агәҭа ианаангыла Беслан Ҵәыџьба аминистр иеиҳәоит апарад амҩаԥгара дшазыхиоу. Владимир Ануа Аиааира 30 шықәса ахыҵра рыдиныҳәалоит, акоманда ҟаиҵоит аныҳәатә марш иалагарцаз. Аколоннақәа шьаҿеиқәшәала Ахақәиҭра ашҭа иқәсуеит. Сынтәа раԥхьаӡа акәны апарад иалахәоит Аҩныҵҟатәи аусқәа рминистрра иатәу аҟәша ҷыдақәа рлахәылацәеи амилициа ашкол акурсантцәеи. Традициа ҳасабла апарад рхы аладырхәуеит Аԥсны иҟоу Урыстәыла АШәМ аҳәаахьчаратә усбарҭеи 7-тәи арратә базеи рыруаа, ареспубликаҿ инхо аказақцәа. Цәыббра 30 рзы Аԥсны иазгәарҭоит 1992-1993 шықәсқәа рызтәи Аԥсны жәлар Рџьынџьтәылатә еибашьраҿы игаз Аиааира амш. Ареспублика ахи аҵыхәеи имҩаԥысуеит аныҳәатә уснагӡатәқәа.

https://sputnik-abkhazia.info/20230927/aiaairazy-azhylara-aa-akhaitra-amsh-1048005842.html

2023

Ажәабжьқәа

ab_AB

аԥсны, ажәабжьқәа