АҞӘА, жьҭаара 3 - Sputnik. Кондрат Ӡиӡариа ихьӡ зху Аҟәатәи алицеи-интернат аҿы еиҭарҳаит тамбовтәи аҵааҵлақәа быжьба ҳәа аанацҳауеит Аԥсны Аҵара аминистрра.
Аллеиа аԥҵара адҳәалоуп Аиааира 30 шықәса ахыҵра. Ауснагӡатә иалахәын аҵара аминистр Инал Габлиа, ихаҭыԥуаҩ Ада Кәарҷелиаԥҳа, акультура аминистр Даур Ақаҩба, Гал араион ахада Константин Ԥлиа, Аиашахаҵаратә уахәама ахада, аиереи аб Биссарион, алицеи-интернат адиректор Лариса Қапԥҳа, Аҟәа инхо Роланд Гамгьиа, Тамбовтәи аделегациа.
Тамбовтәи аобласт аҟынтәи асасцәеи аԥшәмацәеи аԥхьаҟатәи аусеицура азҵаарақәа ирылацәажәеит, иазгәарҭеит ауснагӡатәқәа.
Константин Ԥлиа иажәақәа рыла, "Гал-ТВ" иаанацҳауеит жьҭаара 3 рзы анапы шаҵаҩхо Тамбовтәи аобласт Петровсктәи араиони Гал араиони рыбжьара аусеицураз Аиқәшаҳаҭра.