АҞӘА, жьҭаара 4 – Sputnik. Sputnik Аԥсны арадио адырраҭара ҿыц "Аҳәатәи аҳәашьеи" хацнаркуеит жьҭаара 5 инаркны.
Адырраҭара ишиашоу ицо аефираҿы иҟалоит ес-ԥшьаша асааҭ 13:00 инаркны 14-нӡа. Амҩаԥгаҩцәа Аԥсны зҽаԥсазтәыз ажурналист, Sputnik аколумнист Елеонора Коӷониаԥҳаи, ажурналист Инал Лазбеи.
"Аҳәатәи аҳәашьеи" актәи адырраҭараҟны иалацәажәоит "Аԥсны АИхқәа рзы азакәан".
"Сгәанала еиҿагылоу агәаанагарақәа иаахтны раарԥшра, уи ҳзыӡырыҩцәа ираҳарц ирҭаху форматуп. Иарбанзаалак азҵаара аилыргаразы ихадоуп ҩ-гәаанагарак рааԥшра", - иҳәеит Инал Лазба.
Адырраҭара "Аҳәатәи аҳәашьеи" аҟны аполитикеи, акультуреи, асоциалтә ԥсҭазаареи ирызку азҵаарақәа ганрацәала ирылацәажәоит. Арадио Sputnik Аԥсны астудиахь иаарыԥхьалоит еиуеиԥшым азҵаарақәа рзы зхатә гәаанагара змоу аполитикцәа, аусдырҩцәа, ауаажәларратә усзуҩцәа.