АҞӘА, жьҭаара 8 - Sputnik. "Аԥсны ахада Ихраҿа" агаразы аҽыхәмаррақәа мҩаԥысит Бзыԥҭатәи аҽырҩрҭаҟны амҽыша, жьҭаара 8 рзы.
СССР аспорт азҟаза Иури Бараҭелиа игәаларшәараз, ҩышықәса зхыҵуа ашьацқьа злоу аҽыҩқәа 1000 метрак реиԥхныҩлараҿ аиааира агеит Михаил Симанкин дзықәтәаз аҽыҩ Принцесса ҳәа ахьӡ ҷыда змоу, аҩбатәи - Ҭемыр Чхьабелиа дзықәтәаз аҽыҩ Виторган, ахԥатәи - Терс, аҽыбӷаҟаза Иури Озган. Аԥхьахәтә фонд 100 нызқь мааҭ ыҟан.
1200 метра Аԥсны иҟоу Урыстәыла ацҳаражәҳәаҩ Михаила Шургалин ихьӡала иҩуаз рыбжьара актәи аҭыԥ ааникылеит Иури Озган, аҩбатәи Џьубеи Аҩӡба, ахԥатәи Ислам Арӡынба.
Аԥсны Аџьынџьтәылатә еибашьраҟны игаз Аиааира 30 шықәса ахыҵра аҳаҭыраз 1600 метра аҽырҩраҿ актәи аҭыԥ ааникылеит Дмитри Қардиа, аҩбатәи - Џьубеи Аҩӡба, ахԥатәи Ҭемыр Чхьабелиа.
Аԥсны Аџьынџьтәылатә еибашьраан хатәгәаԥхарала еибашьуаз рыхьӡала 1600 метра аицлабраҟны аиааира игеит Џьубеи Аҩӡба.
Аԥсны раԥхьатәи ахада Владислав Арӡынба игәаларшәараз 2000 метра аҽырҩраҿ актәи аҭыԥ игеит Иури Кулинич, аҩбатәи - Витали Агрба, ахԥатәи - Џьубеи Аҩӡба. Аԥхьахәтә фонд 250 нызқь мааҭ ыҟан.
Аԥсны ахада Аслан Бжьаниа ихраҿа агаразы 2400 метра аицлабраҿ аиааира агеит Алим Батуев дызқәтәаз аҽы Радеда. Аҩбатәи аҭыԥ ааникылеит Иури Кулинич, ахԥатәи - Анастасиа Липен. Ари аиԥхныҩлараҿ аԥхьахәтә фонд миллион мааҭ ыҟан.
Аԥсны аҩбатәи ахада Сергеи Багаԥшь игәаларшәараз 3200 метра аиԥхныҩлараҿ аиааира игеит Иури Кулинич, аҩбатәи аҭыԥ ааникылеит Џьубеи Аҩӡба, ахԥатәи - Баҭал Ахсалба.
Гагра араион ахадара аҳамҭаз ҽыла ампыл асреи Аџьынџьтәылатә еибашьраҟны иҭахаз ргәаларшәарз аҳамҭа аҵәеигәыдҵареи рыҟны еицлабуан Гагра араион акомандеи Гәдоуҭа араион Кәланырхәа ақыҭа акомандеи. Араҟа аиааира ргеит Кәланырхәатәи акоманда.
Гагра араион ахадара аҳамҭаз ҽыла ампыл асреи Аџьынџьтәылатә еибашьраҟны иҭахаз ргәаларшәарз аҳамҭа аҵәеигәыдҵареи рыҟны еицлабуан Гагра араион акомандеи Гәдоуҭа араион Кәланырхәа ақыҭа акомандеи. Араҟа аиааира ргеит Кәланырхәатәи акоманда.