АҞӘА, жьҭаара 9 – Sputnik, Бадраҟ Аҩӡба. Аидарамҩангага ааҳәит Аҩада Ешыра амҩаҿы. Абри атәы Sputnik иазеиҭеиҳәеит Аԥсны аҳәынҭавтоинспекциа аиҳабы ихаҭыԥуаҩ Асҭамыр Ҭаниа.
Амашьынарныҟәцаҩ аԥсҟы импыҵҟьеит, аидармҩангага ааҳәит. Аӡәгьы ааха имоуит.
Иааҳәыз амашьына амҩаду анаркит, аҳәынҭавтоинспекциа аусзуҩцәа Алада Ешыра амҩала амашьынақәа мҩасыртә еиԥш аҭагылазаашьа аԥырҵеит.
Иҟалаз шыҟалаз ҭырҵаауеит, иаарласны амҩа аартхоит иҳәеит Ҭаниа.