АҞӘА, жьҭаара 11 - Sputnik. Аԥсны игылоу Аладатәи арратә округ атанкрныҟәцаҩцәа "аӷа" икәылӡтехника ҭадырхеит Адыгеиа, Маиҟәаԥтәи аԥышәарҭаҿы атанкқәа Т-72Б3 рыла ҳәа аанацҳауеит ААО апресс-маҵзура.
Аҽазыҟаҵарақәа мҩаԥысуан уахынлагьы ҽынлагьы ицәырҵуази еиҭаҵуази ацәҟьарақәа ирықәкны.
"Аӷа" итанкқәа, икәылӡтехника иреиԥштәыз ацәҟьарақәа 60 секунд ирылагӡаны ицәырҵны рҽырҵәахуан, ари аҩыза аҭагылазаашьаан аекипаж аласреи икылкааны ахысреи рылдыршар акәын.
Амеханик-рныҟәцаҩцәа атанкқәа аныҟәара ахьыуадаҩу аҭыԥқәа рҿы, аԥсабаратәии напылаҟаҵаратәи аԥырхагақәа ирхысны аҽазыҟаҵарақәа мҩаԥыргон.