АҞӘА, жьҭаара 13 - Sputnik. Аԥсны акультура аминистр Даур Ақаҩба Москва диԥылеит жәларбжьаратәи акультуратә усеицуразы Урыстәыла ахада ихаҭарнак ҷыда Михаил Швыдкои, абри атәы аанацҳауеит акультура аминистрра апресс-маҵзура.
Даур Ақаҩбеи Михаил Швыдкои ԥхьаҟатәи русеицура иалацәажәо ирҳәеит, Аԥсни Урыстәылеи акультуреи аҟазареи русхк аҟны аимадарақәа ԥхьаҟагьы рырҿиара шымҩаԥырго.
Михаил Швыдкои – аҟазараҭҵааҩ, ателемҩаԥгаҩы, амедиаменеџьер, аҳәынҭқарратәи акультуратәи аусзуҩ, 2008 шықәса раахыс - жәларбжьаратәи акультуратә усеицуразы Урыстәыла ахада ихаҭарнак ҷыда.