АҞӘА, жьҭаара 13 - Sputnik. Урыстәыла Ермантәылаҟа ф-тоннак агуманитартә цхыраара нанашьҭит ҳәа аанацҳауеит Ермантәыла иҟоу Россотрудничество апресс-маҵзура.
Агуманитартә цхыраара иаҵанакуеит ирласны иԥхасҭамхо афатәаалыҵ, ахатә гигиена амаҭәарқәа, абзазаратә химиа. Арҭ зегьы ахҵәацәа ирзынашьҭуп. Ацхыраара нагахоит ахҵәацәа ацхыраара ахьрырҭо Ацентрқәа рахь. Ацентрқәа аус руеит ақалақьқәа Мецамор, Џьермук, Цахкадзор, Гавар, Севан, Масис рҿы.
Цәыббра 19 рзы Азербаиџьан Ашьха Ҟарабах ареспублика иахьаҵанакуа "ҭыԥ-ҭыԥла атеррористҿагыларатә операциа" иалагеит, урҭ хықәкыс ирымоуп аконституциатә мчра аиҭашьақәыргылара.
Ашьха Ҟарабах игылоу Урыстәылатәи абжьаҟазаратә мчқәа рыбжьаҟазарала цәыббра 20 асааҭ 13.00 инаркны ахымца аанкыларазы еиқәшаҳаҭхеит.
Цәыббра 21 рзы Евлах ақалақь аҿы имҩаԥган Ашьха Ҟарабах инхо аерманцәеи Азербаиџьан аделегациеи реиԥылара. Уа ирылацәажәон арегион ареспублика алахәхара азҵаарақәа.
Цәыббра 28 рзы Ашьха Ҟарабах ахада Самвел Шахраманиан Аусԥҟа инапы аҵеиҩит 2024 шықәса ажьырныҳәа 1 инаркны ареспублика аҟазаара шаанкылахо азы.