АҞӘА, жьҭаара 15- Sputnik. Урыстәыла аҳаиртә хыхьчара ахархәагақәа уахыки-ҽнаки рыла аԥырҩы дызҭам украинатәи ахархәагақәа 31 ҭадырхеит ЛЖәР, Харков, Запорожие, Херсон аобластқәа рыҟны. Абри атәы аанацҳауеит Урыстәыла атәылахьчара аминистрра.
Аусбарҭа ишаанацҳауа ала, Купиансктәи ахырхарҭаҿы ииасыз аҵх азы бжьынтә Украина арбџьармчқәа ржәылара аԥырҟәҟәаан. Киев иаиуит ацәыӡқәа, иҭахази ихәуи рхыԥхьаӡара 215-ҩык ыҟоуп. Иара убас иҭархоуп танкк, аибашьыгатә машьынақәа ҩба, апикапқәа хԥа, ахаланыҟәаратә артиллериатә шьақәгыла "Krab".
Краснолимантәи ахырхарҭаҿы иаԥырҟәҟәаауп ҩ-жәыларак, иҭархоуп 21-тәи, 63-тәи, 67-тәи амеханизациа зызу абригадақәа реибашьцәеи атехникеи. УАМ 30-ҩык рҟынӡа асолдаҭцәа ҭахеит, иҭархоуп аибашьыгатә машьынақәа ҩба, аибашьыгатә акәылӡмашьынақәа хԥа, ҩ-автомашьынак.
Донецктәи ахырхарҭала аӷа уахыи-ҽнаки рыла 185-ҩык рҟынӡа аруаа рыла ацәыӡқәа иоуит. Иара убас иҭархоуп аибашьыгатә акәылӡмашьынақәа хԥа, автомашьынақәа ҩба, артиллериатә шьақәгыла М777, агаубица Д-20, ахаланыҟәаратә артиллериатә шьақәгыла "Акация", "Гвоздика", арадиоелектронтә шьақәырҟьагатә станциа "Буковель".
Алада-Донецк аҟны аӷа ицәыӡит 170-ҩык рҟынӡа аррамаҵурауаа, аибашьыгатә машьына, аибашьыгатә акәылӡмашьынақәа ҩба, автомашьынақәа хԥа. Запорожиетәи ахырхарҭаҿы иҭархоуп 35-ҩык инареиҳаны асолдаҭцәа, танкк, аибашьыгатә акәылӡмашьынақәа ҩба, автомашьынақәа хԥа, апикапқәа хԥа, агаубица "МСТА-Б", абзарбзан М119.
Херсонтәи ахырхарҭаҿ еиԥырҟьоуп украинатәи адиверсиа-ԥшыхәратә гәыԥ агәҭакқәа. Киев иацәыӡит 40-ҩык аррамаҵзурауаа, аа-машьынак, агаубица "Гиацинт-Б", х-бзарбзанк Д-30.