АҞӘА, жьҭаара 15 - Sputnik. Урыстәылатәи аруаа иҭадырхеит Днепртәи аобласт, Днепр аеродром аҟны итәаз украинатәи арадиотехникатә гәыԥ, абри атәы аанацҳауеит Урыстәыла атәылахьчара аминистрра.
Уи адагьы, Харьковтәи аобласт аҟны иҭархан УАМ иатәу амеханизациа зызу 66-тәи агәыԥ.
Аҳауаҽацәыхьчаратә хархәагақәа икарыжьит аицҭырҟьаратә система HIMARS ареактивтә хгәыцәқәа хԥа, аԥырҩы дызҭам ахархәагақәа 67.
Купиантәи ахырхарҭаҿы уахыки-ҽнаки рыла иаанкылан УАМ ажәыларатә гәыԥқәа фба, иҭархан украинатәи ажәылара-аԥшыхәратә гәыԥ. Ари ахырхарҭаҿы Киев иацәыӡит 50-ҩык аруаа, акәылӡымашьынақәа ҩба, апикапқәа ҩба, ахаланыҟәагатә артиллериатә шьақәгыла "Гвоздика".
Краснолимантәи ахырхарҭаҿы уахыки-ҽнаки рыла аӷа ируаа 180-ҩык ихәызи-ишьызи ҳәа ашәҟәы иарбоуп, иара убас иҭархан акәылӡымашьынақәа хԥа, апикапқәа ҩба.
Донецктәи ахырхарҭаҿы уахыки-ҽнаки рыла иаанкылан УАМ ажәыларатә гәыԥқәа хәба, амеханизациа зызу 28-тәи, 31-тәи агәыԥқәа рџьаԥҳанышьҭаҵарҭақәа еилаԥыххаан. Иааидкыланы аӷы ицәыӡит 410-ҩык аибашьцәа, акәылӡымашьынақәа ҩба, амашьынақәа хԥа, ицҟьан ахаланыҟәагатә артиллериатә шьақәгыла "Акация", агаубица "Мста-Б", иара убас Д-30, Д-20.
Алада-Донецктәи ахырхарҭаҿы УАМ иацәыӡит 155-ҩык асолдаҭцәа, амашьынақәа хԥа акәылӡымашьынақәа ҩба. Запорожиетәи ахырхарҭаҿы иҭархан 55-ҩык аибашьцәа, акәылӡымашьынақәа ҩба, амашьынақәа хԥа, артиллериатә шьақәгыла М-777, агаубица Д-30, аџьыԥҳанышьҭаҵарҭа. Херсонтәи ахырхарҭаҿы -20-ҩык украинатәи аруаа, амашьынақәа ҩба.