АҞӘА, жьҭаара 17 - Sputnik. Гагра араион Гьечрыԥшь ақыҭан акаҭраншьҭаҵара иаҿуп, уажәазы 750 метра амҩа акаҭран ықәырҵахьеит ҳәа аанацҳауеит "Гагра ТВ".
Амҩа риашаны абӷанҷ ықәрыԥсеит, анаҩс ауп акаҭран анықәырҵа. Еиҭа иҟаҵатәны иҟоуп 500 метра.
"Ҩ-километраки бжаки амҩа акаҭран ақәҵара иаҿуп Гьечрыԥшь ақыҭан. Амҩа аура зынӡа ԥшь-километрак инаӡоит", - иҳәеит араион ахада ихаҭыԥуаҩ Виктор Кулиан.
Ақыҭа ахада Аркади Гыруаԥшь иажәақәа рыла, иазԥхьагәаҭоуп ақыҭа аҩадатәи ахәҭаҟынтә аҳәааҟынӡа амҩа аиҭашьақәыргылара. Асеиԥш аусурақәа мҩаԥымсижьҭеи 40 шықәса ирықәын.