АҞӘА, жьҭаара 17 - Sputnik. Жьҭаара 16 рзы аҳәынҭавтоинспекциа аусзуҩцәа амҩатә ԥҟарақәа 110 реилагара аадырԥшит ҳәа аанацҳауеит Аԥсны АдәАР апресс-маҵзура.
Аиҳарак еиларго аԥҟарақәа иреиуоуп: амҩатә ласра, амҩатә дыргақәа лахь рыҭара, асветофор арбагақәа рызхьамԥшра, атранспорт хархәага амҩаҿ иаҭыԥымкәа аргылара, аԥхьатә саркьақәа рырхәашьра, аԥгаламҩа анылара.
Уи адагьы азинхьчаратә усбарҭа аусзуҩцәа азхьаԥшра арҭеит арыжәтә ыжәны аԥсҟы акра. Реидк ала иаанкылан ҩыџьа арыжәтә ыжәны иҟаз, ҩыџьа – анаркотикатә маҭәашьар зыдкылаз. Ижәны иҟоу аҭыԥ аҿы рмашьынақәа рымырхуеит, 30 000 мааҭ инаӡо административтә хараԥса дыршәаны амашьынарныҟәараз азин шықәсыбжак ҳәа ирымырхуеит. Иаанкыло ахаҿы уаанӡагьы асеиԥш азы дааныркылахьазар амашьынарныҟәараз изин шықәсык ҳәа имырхуеит, 15 мшы дҭаркуеит.