АҞӘА, жьҭаара 17 - Sputnik. Москва аиҳабыра афинанстә цхыраара рырҭеит Гал араион аҿы инхо Аибашьра Ду аветеранцәа ирываҟәыло ауаа ҳәа аанацҳауеит "ГалМедиа".
Араион ахада ихаҭыԥуаҩ Џьамбул Кәартаа иажәақәа рыла, Гал араион аҿы иахьазы аветеранцәаҵәҟьа аанымхаӡеит, урҭ ираҟараны ишьо фҩык ыҟоуп. Иара иҳәеит "Москва Аҩны", Аԥсны иҟоу Россотрудничество, Аԥсны иҟоу Ацҳаражәҳәарҭа урҭ ацхыраара шрырҭо.
"Сынтәа ҳара араионтә хәышәтәырҭа иазынаҳашьҭит хаҭалатәи ахархәаразы амедицинатә маругақәа, ҳарзыԥшуп Гал ақалақь абиблиотекақәа рзы ашәҟә ҿыцқәа, ԥхьаҟатәи ҳусеицура ҳақәгәыӷуеит", - лҳәеит "Москва Аҩны" ахаҭарнак Марина Соиа.