АҞӘА, жьҭаара 26 – Sputnik. 2026 шықәсазы Аԥсны атәанчахәы ашәаразы асистема ҿыц алагалахоит ҳәа арадио Sputnik иазеиҭеиҳәеит Аԥсны асоциалтә еиқәыршәара аминистр Руслан Аџьба.
Аџьба иажәақәа рыла иахьазы Аԥсны аус зуа асистема ажәит, ҳаамҭа аҭахрақәа ирықәшәом. Астандарт ҿыцқәа аус рыдулоуп Аԥсни Урыстәылеи рҟазауаа русеицурала.
"Иахьазы аџьашықәс иахьмырԥшыкәа зегьы ироуа атәанчахәы еиҟароуп. Асистема ҿыц иҳаднагалоит аулафахәи аџьашықәси азгәаҭаны хаҭа-хаҭалатәи ашәарақәа", - ҳәа иҳәеит иара.
Аминистр иҳәеит атәанчахәы роуа ишалаго официалла аулафахәы зауа, аԥгаԥсатә шәарақәа ҟазҵо.
Аџьба игәаанагарала, анорма ҿыцқәа аҿар агәацԥыҳәара рнаҭоит аусураҭаҩи дареи официалла аџьатә еиқәшаҳаҭрақәа рыбжьаҵара, уи алагь иалыршахоит аҳәынҭқарра аулафахәымаӡақәа раԥырҟәҟәара.