АҞӘА, жьҭаара 26 - Sputnik. Урыстәыла иҟоу азинмчнагӡеи аҷыдалкаатә усқәеи змоу Аԥсны ацҳаражәҳәаҩ Алхас Кәыҵниа ашьапылампыласҩы Ельвира Ҭодуаԥҳа длыдныҳәалеит "Зенит" ацыхәмарраан илгаз аиааиразы. Абри атәы аанацҳауеит адипхаҭарнакра апресс-маҵзура.
Алхас Кәыҵниа ашьапылампыласҩы Ельвира Ҭодуаԥҳа длыдныҳәалеит илымоу ақәҿиарақәа рзы, илзеиӷьеишьеит ԥхьаҟагьы аиааирақәа.
ЦСКА-и "Зенити" аҳәса ркомандақәа рыбжьара Урыстәыла Ахраҿа афиналтә хәмарра мҩаԥган жьҭаара 15 рзы. ЦСКА аԥыжәара агеит 4:1 ҳәа.
Аԥхьахәҭара иазкыз аусмҩаԥгатә ахь Ельвира Ҭодуаԥҳа аԥсуа бираҟ лыманы днеит.
Ельвира Ҭодуаԥҳа
© Foto / Посольство Абхазии в России
Ельвира Ҭодуаԥҳа – Аԥсны ииз урыстәылатәи ашьапылампыласҩы, ЦСКА аҳәса рыклуб амбахьчаҩ, акапитан. Урыстәыла ԥшьынтә дачемпионкахахьеит.
Ҭодуаԥҳа диит Тҟәарчал ажьырныҳәа 31 1986 шықәсазы. Аԥсны Аџьынџьтәылатә еибашьра ашьҭахь ҭаацәала Ростовтәи аобласт ахь нхара ииасит.