АҞӘА, жьҭаара 26 - Sputnik. Ажьырныҳәа 1 инаркны сынтәа Риҵатәи амилаҭтә парк иаҭааит 550-нызқьҩык инареиҳаны, Афонҿыцтәи аҳаԥы иаҭааит - 369-нызқьҩык инареиҳаны. Абри атәы аанацҳауеит Атуризм аминистрра.
2023 шықәса ажьырныҳәа 1 инаркны жьҭаара 21 рҟынӡа Афонҿыцтәи аҳаԥы иаҭааит 369 795-ҩык, алагала – 258,8 миллион мааҭ.
2022 шықәса абри аамҭазы аҳаԥы иаҭааит 379 025-ҩык, алагала – 258,6 миллион мааҭ ыҟан.
2023 шықәса ажьырныҳәа 1 инаркны жьҭаара 21 рҟынӡа Риҵатәи апарк иаҭааит 550 718 - ҩык, алагала –366,2 миллион мааҭ.
2022 шықәса абри аамҭазы апарк иаҭааит 602 793 -ҩык, алагала – 385,1 миллион мааҭ.
2022 шықәса ааԥынразы Аԥсны аиҳабыра Риҵеи Афонҿыцтәи аҳаԥи рҭааразы аекскурсиатә билеҭқәа рыхә шьҭырхит. Ақәҵара инақәыршәаны, Риҵатәи амилаҭ ҳәырԥсарра аҭалара адуцәа рзы ахә 700 мааҭ иаԥсоуп (уаанӡа 350 мааҭ). Афон ҿыцтәи аҳаԥы аҭалара ахәԥса 700 мааҭ (уаанӡа 500 мааҭ). Ахәқәа 2014 шықәса раахыс иеиҭакмызт.