АҞӘА, жьҭаара 27 - Sputnik. Санкт-Петербург инхо Алексеи Алексеев даанкылоуп хыԥхьаӡара рацәала анаркотикқәа ааихәон, иҵәахны иман, имҩанигон, иҭиуан ҳәа. Абри атәы аанацҳауеит Аԥсны АҩАР апресс-маҵзура.
Алексеев иаанкылараан идбалан аметадон граммк-граммк згәылаз аилаҳәара. Иара игәҭакын аҵәахырҭа маӡақәа рхархәарала аларҵәара.
Амессенџьер ахь аҵәахҭыԥқәа неишьҭуан "Он" захьӡыз абонент иахь, уи анаҩс аахәацәа иархәон. АҩАр аусзуҩцәа ирыԥшааит иҵәах ҭыԥқәа: Лыхны (акы), Аҟәа, Ҷанба имҩаҿы (ҩба). Алексеев зынӡа идбалан 130 грамм анаркотик.
Алексеев иажәақәа рыла, изыршәараны иҟан 300 - 400 нызқьмааҭ. Ашьаус хацыркуп. Алексеев ҩымз ҳәа дырбаандаҩуп.