АҞӘА, жьҭаара 30 – Sputnik, Асмаҭ Ҵәыџьԥҳа. Аинтернационалтә бригада "Пиатнашка" адгылараз афотоцәыргақәҵа аатит Владислав Арӡынба ихьӡ зху Аибашьратә фырхаҵара Ахьӡ-Аԥша амузеи аҟны ашәахьа, жьҭаара 30 рзы.
Ацәыргақәҵаҿы иӡыргоуп Украина арратә операциа ҷыда иалахәу Урыстәыла еиуеиԥшым амилаҭқәа рхаҭарнакцәеи, иара убас Аԥсны анхацәеи рпортреҭқәа.
Ацәыргақәҵа еиҿызкааз Роман Каҷараа ишиҳәаз ала, изҭаху зегьы ишрылшо иргәаԥхаз апортреҭ ааихәар. Уи ала идырҳауа аԥара "Пиатнашка" ацхраараз ирышьҭуеит.
Афотоцәыргақәҵа ахықәкы хада – Аинтернационалтә бригада "Пиатнашка" иаланы Украина арратә операциа ҷыда иалахәу Аԥсны атәылауаа рыцхраара ауп.
Асахьақәа раахәара ҟалоит жьҭаара 30-31 рзы.