АҞӘА, жьҭаара 31 - Sputnik. Москва аиҳабыра Аԥснынтәи Аибашьра ду иалахәыз аветеранцәеи урҭ ирышьашәаланы иԥхьаӡоу атәылауааи афинанстә цхыраара рнаҭеит ҳәа аанацҳауеит акультура-усутә центр "Москва Аҩны".
Асиақәа шьақәыргылан Аԥсны иҟоу Урыстәыла Ацҳаражәҳәарҭеи Аԥсны асоциалтә еиқәыршәареи адемографиатә политикеи рминистрреи иҟарҵаз адыррақәа инарықәыршәаны. Асиаҿ иарбоуп 42-ҩы Аԥсны инхо ауааԥсыра.
"Афинанстә цхыраара есышықәса имҩаԥнагоит Москва Аиҳабыра. Ҳара еснагь аветеранцәеи урҭ рҭаацәеи ҳрыдҳәалоуп, рирамшқәа, еиуеиԥшым аныҳәақәа рыдаҳныҳәалоит", - ҳәа лҳәеит "Москва Аҩны" ахаҭарнак Мариа Соиа.
55-нызқьҩык инареиҳаны Аԥсны атәылауаа 1941-1945 шықәсқәа рзы Аџьынџьтәылатә еибашьра ду афронтқәа рҟны еибашьуан, урҭ рахьынтә 17-нызқьҩык рыҩныҟақәа изхнымҳәӡеит, 22-ҩы Аԥсны аҵеицәа Асовет Еидгыла Афырхаҵа ҳәа ахьӡ рыхҵан.