АҞӘА, абҵара 2 - Sputnik, Асмаҭ Ҵәыџьԥҳа. Аԥсны Апарламент адепутатцәа Атәанчахәытә фонд 2023 шықәсазтәи абиуџьет аԥсахрақәа аларгалеит.
Афонд азеиԥш лагала 1,48 миллиард мааҭ ыҟоуп, азеиԥш ныхрақәа - 1,53 миллиард мааҭ.
Абасала адефицит 53,6 миллион мааҭ ҟалеит. Уи азы аԥаразоужьра мҩаԥгахоит 2023 шықәса ажьырныҳәа 1 азы инханы иҟаз аԥарақәа рҟынтәи.
Цәыббра 28 рзы Жәлар реизара адепутатцәа афонд абиуџьет актәи аԥхьарала ирыдыркылеит. Усҟан иазгәаҭан 25 миллион мааҭ изакәанымкәа иныхыз урыстәылатәи атәанчахәқәа рырхынҳәра иазырхахоит ҳәа.