АҞӘА, абҵара 6 – Sputnik. Урыстәылантәи Аԥсныҟа афымцалашара аарышьҭуа иалагеит 00:00 сааҭ, абҵара 5 инаркны, ҳәа аанацҳауеит "Амшынеиқәафымцамч".
Абҵара 5 асааҭ 00:00 сааҭ инаркны Урыстәылантәи Аԥсныҟа афымцалашара аарышьҭуа иалагеит. Уи иабзоураны лашарала еиқәыршәоуп Аԥсны мраҭашәаратәи агәыи рыхәҭа", - ҳәа аҳәоит адырраҭараҿы.
"Амшынеиқәафымцамч" иазгәанаҭоит, ЕгрыГЕС Џьуартәи аӡеизакырҭаҿы аӡыҩаӡара шәарҭоуп ҳәа. Уи иахҟьаны ареспубликаҿы аамҭа-аамҭала афымца арцәара иалагар алшоит.
Уажәаԥхьа Аслан Бжьаниа аҳәамҭа ҟаиҵахьан, ҭагалан Џьуартәи аӡеизакырҭаҟны аӡы азымхара ҟалар ҟалоит, уи азы Аԥсны ауааԥсыра фымцалашарала реиқәыршәаразы Урыстәылахь аҳәара ҟаҵатәуп ҳәа.
Аҵыхәтәантәи ашықәсқәа Аԥсны акыр иҵарны иқәгылоуп аенергетика апроблема. Уи зыхҟьо ихәарҽу аинфраструктура, ахьҭақәа аныҟоу агенерациа азымхара роуп. Афымцамч ахархәара аныҳаракхалак иалагалахоит аамҭа-аамҭаалтәи арцәарақәа. Афымцамч ахархәара аныҳаракхалак, иалагалахоит аамҭа-аамҭалатәи арцәарақәа. Раионқәак рҿы алашара уахыки-ҽнаки рыҩнуҵҟа аа-сааҭк рҟынӡа иандырцәо ыҟоуп. Ҭагалани аӡынреи раан адефицит иахҟьаны урыстәылатәи анапхгара алашара аарышьҭларц азы ирыҳәоит.