АҞӘА, абҵара 8 - Sputnik. Гал араион аҿы тамбовтәи аҵәақәа еиҭарҳараны иҟоуп ҳәа аанацҳауеит агазеҭ "Сельские зори".
Тамбовтәи аобласт Дубовое ақыҭа абаҳчааӡаратә наплакы аҟынтәи Гал араион ҳамҭас иаҭоуп 100-шьаҭак аҵәеиҭаҳатә.
Араион ахада Сергеи Ефанов иҳәеит Гал ақалақь аҿы ишазгәаҭоу аиҩызараз аллеиа аԥҵара.
Гал араиони Тамбовтәи аобласти жьҭаарамзазы акультура, аспорт, аҵара, ақыҭанхамҩа русхкқәа рҟны аусеицуразы аиқәшаҳаҭра рыбжьарҵеит.