АҞӘА, абҵара 8 - Sputnik. Искандер ихьӡ зху аурыс драматә театр аспектакль "Зегьы рцасҳәа агәырӷьара" днарбоит Санкт-Петербург имҩаԥысуа VI атеатртә фестиваль "Ашкол. Астудиа. Аҟазарҭа." аҟны.
Ақәгылара мҩаԥысуеит ԥхынҷкәын 1 азы.
Ҩышықәсоуп РУСДРАМ ари афестиваль ахы аланархәуеижьҭеи. Иара ахықәкы хада - абиԥарақәа рыбжьара арҿиаратә еицәажәара ашьақәыргылара. Афестиваль аҳәаақәа ирҭагӡаны урыстәылатәии аҳәаанырцәтәии атеатрқәа иреиӷьу рспектакльқәа ддырбоит .
Мариа Романова лықәыргыламҭа "Зегьы рцасҳәа агәырӷьара" испаниатәи адраматург Федерико Гарсиа Лорка ирҿиамҭақәа ирылхуп.