АҞӘА, абҵара 10 - Sputnik. Амилаҭтә гвардиа ар ркомандаҟаҵаҩ хада ихаҭыԥуаҩ, астатс-маӡаныҟәгаҩ Олег Плохои даҭааит Аԥсны аҩнуҵҟатәи аусқәа рминистрра иатәу ирлас аҭагылазаашьа ақәҿызҭуа агәыԥ ҷыда. Абри атәы аанацҳауеит аусбарҭа апресс-маҵзура.
Аԥсны аҩнуҵҟатәи аусқәа рминистр ихаҭыԥуаҩ, агәыԥ ҷыда напхгара азҭо Рашь Ҵәыџьба иажәақәа рыла, ИАААҶ амаҵзурауаа ауаажәларратә зинеиҿкаареи ашәарҭадареи иахылаԥшуеит.
Аиԥылараҟны Олег Плохои еизеиҭарҳәеит Аԥсны аҩнуҵҟатәи аусқәа рминистрра иатәу ирлас аҭагылазаашьа ақәҿызҭуа агәыԥ ҷыда атехникатә еиқәыршәара зеиԥшроу, амаҵзурамҩаԥгара аҭагылазаашьақәа, ирымоу абџьари аџьаԥҳани.