АҞӘА, абҵара 10 - Sputnik. Амилаҭтә гвардиа ар ркомандаҟаҵаҩ хада ихаҭыԥуаҩ, астатс-маӡаныҟәгаҩ Олег Плохои зхадараҿы дыҟоу Росгвардиа аделегациа Амилициа Аныҳәамш аҽалархәразы Аԥсныҟа иааит, абри атәы аанацҳауеит АҩАР апресс-маҵзура.
Аԥсны аҩнуҵҟатәи аусқәа рминистр Роберт Кьиути Олег Плохоии еиԥылеит.
Аганқәа алацәажәеит ҩ-ганктәи аусеицура актуалтә зҵаарақәа – акадрқәа разыҟаҵара, аԥышәа аимдара, аусбарҭабжьаратә усеицура азинтә шьаҭақәа реиҿкаара риеԥш иҟоу.