АҞӘА, абҵара 17 – Sputnik. Аԥсни Урыстәылеи ргуманитартә ԥшьгарақәа рыҿиареи рыдгылареи рзы агәыҳалалратә фонди акультура аусхк аҟны апроектқәа рыҿиара адгылара афонд "Аҟазара ацҳақәеи" аусеицураз Аиқәшаҳаҭра рнапы аҵарҩит Санкт-Петербург имҩаԥысуаз акультуратә Форум аҿы.
Аԥсны аганахь ала аиқәшаҳаҭра инапы аҵеиҩит афонд ахантәаҩы Даур Ақаҩба, Урыстәыла аганахь ала– афонд ахантәаҩы Ханс Иоахим Фраи, афонд ахада Виктор Иампольски.
Аганқәа еиқәышаҳаҭхеит:
еиуеиԥшым акультуратәи, арккаратәи, адоуҳатәи хырхарҭа змоу амаҵзурақәа мҩаԥыргаларц;
асоциал-культуратә партниорра мҩаԥыргаларц.
Аиқәшаҳаҭра иҳәаақәнаҵоит аинырра аԥҟарақәа аҵареи акультуреи русхкқәа рҟны Аԥсни Урыстәылеи рҳәынҭқарратә политика апринципқәа ирықәныҟәаны.