АҞӘА, абҵара 17 - Sputnik. Аԥсны аенергосистема акризис алгаразы иҵаҵӷәырку ахәԥҵәа шьақәыргылатәуп ҳәа лҳәеит аԥыза-министр ихаҭыԥуаҩ, аекономика аминистр Кристина Озган.
Озган илҳәеит 2022 шықәса ԥхынгәы 1 азынӡа афымцамчхархәара ахәԥса 40 капеи ыҟан, уи аенергосистема аныҟәгаразы иазхомызт.
"Иарбанызаалак атауар, амаҵзура аԥара иаԥсоуп, избанзар иақәхарџьуп аамҭа, амч, афинанстә ресурсқәа. Ҳааҟәымҵӡакәа ахәԥсахҵәа шыҟоу иаааныжьуа, иара убри аамҭазы асистема аҭагылазаашьа ҳацхраауа, атәыла аҭахрақәагьы харҭәаауа иҟаҳҵартә аҭагылазаашьа ҳамам. Арҭ иузеиҿымбаауа усқәоуп", - лҳәеит аминистр.
Озган иазгәалҭеит Аԥсни Урыстәылеи аиҿцәажәарақәа шымҩаԥыргоз аамҭа-аамҭала ахәԥсахҵәахатә политика ҿыц ахь аиасразы, иаразнакы ауааԥсыра рыбӷа ауадаҩрақәа ықәымлартә.
"Ибзиан еилаҳкаауеит аулафахәы, атәанчахәы азхаратәы ишыҟам убри азоуп афымцамч ахәԥса ашьҭыхра хәышықәса ҿҳәараны изаҳҭаз", - лҳәеит Озган.
Лара илҳәеит 2022 шықәсазтәи иахәҭоу ахәԥсақәа 2025 шықәсазы шакәхо ршәара ианалаго.