АҞӘА, абҵара 23 - Sputnik. Аԥсны ахада Аслан Бжьаниа иколлега Николас Мадуро иирамш идиныҳәалеит.
Бжьаниа иазгәеиҭеит Мадуро иԥсҭазаара зегьы ижәлар ринтересқәа ишрызку, иԥсадгьыл амаҵ шиуа, Венесуела ахаҭа акәзар – аиашара, асоциалтә прогресс, ауаҩытәыҩса изинқәа рыхьчара рзы иҿырԥшыганы ишыҟоу.
"Ҳтәылақәа рыбжьара аилибакааразы Амеморандум ааигәа ҳнапы еицаҵааҩит. Амеморандум ҳидеалқәеи ҳхықәкқәеи ирықәшәоит, ҳтәылақәа рыбжьара аиҩызара зырӷәӷәо шьаҿоуп. Аԥсны иалшо зегь ҟанаҵоит аҳәынҭқаррабжьаратә усеицуреи анапы зҵаҩу аиқәшаҳаҭрақәеи рынагӡаразы", - ҳәа аҳәоит адырраҭара.
Аԥсны ахада Мадуро изеиӷьеишьеит агәабзиара зҩыда, игәҭакқәа рынагӡара, Венесуела ажәлар – аҭынчреи аизҳазыӷьареи.